Одесса вилоятининг собиқ губернатори Михаил Саакашвили Facebook’даги саҳифасида жойлаштирилган очиқ хатида Украина президенти Пётр Порошенкони ихтиёрий истеъфога чақирди. Бу ҳақда «ТАСС» маълум қилди.
«Ўзингиз учун ва халққа Сиз ва тарафдорларингиз Украинани яхши томонга ўзгартиришга қодир эмаслигингиз, буни истамаслигингизни тан олинг. Ихтиёрий истеъфо беришингиз сиёсий тангликни бартараф этиш учун деярли охирги имконият. Халқ хоҳишини инобатга олган президент жазо енгиллашиши ва афвга умид қилиши мумкин», — дея таъкидлади Саакашвили.
У Порошенкони ислоҳотлар ўтказишни истамаслик ва «Украина халқи тоқат қилолмайдиган ўта очкўзлик»да айблади.
Изоҳ (0)