АҚШнинг Вашингтон штатида 18 декабрь, душанба куни Amtrak компанияси тезюрар поезди кўприкдан қулаши оқибатида камида 6 киши ҳалок бўлди. Бу ҳақда Associated Press маълум қилди, дея хабар беради «ТАСС».
Авария Такома шаҳри жанубидаги темирйўл тармоғида рўй берди. Сиэтлдан Портлендга йўл олган Cascades тезюрар поездининг бир неча вагони издан чиқиб кетди ва I-5 автошоссесида кўприкдан қулади.
Поезд темир йўл тармоғининг янги қисмида биринчи қатновни амалга ошираётганди. Унинг тезлиги соатига 128 километрга етгани тахмин қилинмоқда. Таркибда машинистлар билан бирга ҳисоблаганда 83 киши бўлган.
Вашингтон губернатори Жей Инсли штатда фавқулодда ҳолат тартибини жорий этди. Расмийлар авария оқибатида неча киши ҳалок бўлгани ва жароҳатланганига аниқлик киритмоқда.
Изоҳ (0)