БМТ Бош Ассамблеясининг Қуддус бўйича резолюция муҳокама қилинадиган махсус сессияси 21 декабрь, пайшанба куни бўлиб ўтади. Бу ҳақда халқаро ташкилотдаги манба маълум қилди, деб хабар беради «РИА Новости».
Фаластиннинг БМТдаги доимий кузатувчиси Риёд Мансурга кўра, Бош Ассамблея муҳокамасига киритиладиган резолюция лойиҳаси «Хавфсизлик кенгашида тақиқ қўйилган лойиҳадан деярли фарқ қилмайди».
АҚШ 18 декабрь, душанба куни Хавфсизлик кенгаши Қуддус мақоми ўзгаришини тан олмайдиган ва уни бекор қилишга чақирадиган резолюция қабул қилинишини блокировка қилди. Ҳужжат 14 давлат томонидан қўллаб-қувватланди, АҚШ вето ҳуқуқидан фойдаланди.
Изоҳ (0)