Дунёда 285 миллион киши муҳожир ҳисобланади, уларнинг сони 2000 йилдан бери 49 фоизга ошди. Бу ҳақда БМТ иқтисодий ва ижтимоий масалалар бўйича департаменти ҳисоботида маълум қилинди, деб хабар беради «Интерфакс».
Ҳисоботга кўра, дунёда халқаро муҳожир бўлганлар сони 2000 йилдаги 2,8 фоиздан 2017 йилда 3,4 фоизгача кўпайган. Юқори даромадга эга мамлакатларда истиқомат қилувчи муҳожирлар фоизи шу вақт мобайнида 9,6 дан 14 фоизгача ошган.
Энг кўп муҳожир — 49,8 миллион киши ёки барча муҳожирларнинг 19 фоизи АҚШда истиқомат қилади. Саудия Арабистони, Германия ва Россияда яшовчи муҳожирлар сони ҳар бирида ўртача 12 миллион, Буюк Британияда эса 9 миллион кишини ташкил этмоқда.
Изоҳ (0)