BMT Bosh Assambleyasining Quddus bo‘yicha rezolyutsiya muhokama qilinadigan maxsus sessiyasi 21-dekabr, payshanba kuni bo‘lib o‘tadi. Bu haqda xalqaro tashkilotdagi manba ma’lum qildi, deb xabar beradi “RIA Novosti”.
Falastinning BMTdagi doimiy kuzatuvchisi Riyod Mansurga ko‘ra, Bosh Assambleya muhokamasiga kiritiladigan rezolyutsiya loyihasi “Xavfsizlik kengashida taqiq qo‘yilgan loyihadan deyarli farq qilmaydi”.
AQSh 18-dekabr, dushanba kuni Xavfsizlik kengashi Quddus maqomi o‘zgarishini tan olmaydigan va uni bekor qilishga chaqiradigan rezolyutsiya qabul qilinishini blokirovka qildi. Hujjat 14 davlat tomonidan qo‘llab-quvvatlandi, AQSh veto huquqidan foydalandi.
Izoh (0)