Хитойлик руфер Вонг Ён Нин ижтимоий тармоқлар учун ролик суратга олиш чоғида ҳалок бўлди. Унинг ўлими кўп «лайк» тўпловчи роликлар қандай қиймат эвазига олинишини яна бир марта ёдга солди. «Газета.ru» обуначиларни ҳайратга солишга уринишлар қандай фожиаларда олиб келганлиги ҳақида ҳикоя қилади.
Selfи олишга уриниш туфайли фожиали ўлим ҳолатлари тарихи аллақачон бир неча йилни ўз ичига олади. Илк бор ана шундай ҳолат 2011 йилда юз берган эди. Ўшанда уч нафар америкалик ўсмир асаблари бардошлилигини синаб кўриш ва йўлда суратга олишга уриниб, поезд остида қолган эди.
Шундан буён кучли таассурот қолдирадиган сурат олишга уриниб ҳалок бўлганлар рўйхати мунтазам тўлиб бормоқда. Кишилар рулда селфи олишга уриниб, ЙТҲга учрамоқда, юқорироққа (тоғ, кўприк ёки зина) чиқишга уриниб мувозанатни йўқотиб, қуламоқда. Бунга яна қўлида телефон билан чўкиб кетганлар, ёввойи ҳайвонлар ҳужумига учраганлар, ток уриши оқибатида ҳалок бўлганларни қўшиш мумкин.
Қуролга эгалик қилишга рухсат берилган мамлакатларда эса тўппонча ёки қуроллар билан суратга тушаётиб, тасодифан ўзини отиб қўйиш ҳолатлари учрайди. 2011 йилдан буён дунёда селфи воситасида ижтимоий тармоқларда ўзини кўз-кўз қилишга уринишлар билан боғлиқ ўлим ҳолатлари 150 тани ташкил этди.
Муҳаббат ва фожиа
Хутойлик машҳур руфер Вонг Ён Нин осмонўпар бино томидан қулаб тушиб, ҳалок бўлди. Нин анчадан буён хавфли трюкларга ихтисослашган ва бунинг ортидан ижтимоий тармоқларда машҳурликка эришган эди.Йигит бу сафар Хитой жанубидаги Чанша шаҳрида жойлашган осмонўпар бинога чиқишга қарор қилди. Бунинг эвазига у 15 минг долларни қўлга киритиши керак эди. Пуллар руферга тўйини ташкиллаштириш учун керак эди — у севган қизига турмуш қуришни таклиф қилмоқчи эди.
Вонг Ён Нин осмонўпар бино томида 50 сония давомида томга осилиб ўзини кўтарди, бироқ охирги уриниш муваффақиятсиз бўлди — йигитнинг оёқлари баланд бино ойнасида сирпаниб, у пастга қулаб кетди.
Тўғридан-тўғри эфир чоғидаги ўлим
Tataристон посёлкаларидан бирининг 23 ёшли фуқароси Ситора Баратова ижтимоий тармоқларда трансляциялар уюштиришни жуда хуш кўрарди. Бир куни у автомобиль бошқара туриб, тўғридан-тўғри эфирга чиқишга қарор қилди.У смартфони экранига қарашни маъқул кўриб, йўлга кўп эътибор қаратмади. Бироқ обуначилари билан суҳбатлашишга муваффақ бўлмади: бир дақиқалик видеоёзув давомида Ситора фақат саломлашиш ва «Ким нима билан банд? Ким нима билан шуғулланмоқда? Ким қаерга кетаяпти?» деб сўрашга улгурди.
Шундан сўнг у йўл-транспорт ҳодисасига учради. Унинг Daewoo Matiz автомобили «PAЗ» автобуси билан тўқнашиб кетди: қиз ҳалок бўлди, автобуснинг беш нафар йўловчиси жабрланди.
Катта тезликдаги селфи
Ўзига хос услубдаги селфи олишга уриниш туфайли юз берган ЙТҲ машҳур рэпер Jadiel’нинг ҳаётига зомин бўлди. Йигит мотоциклда ҳаракатлана туриб селфи олишга қарор қилди. Йўлдан чалғиган йигит ёнидан ўтаётган автомобилга урилди. Рэпер шифохонада ҳалок бўлди.Синфдошлар ҳавасини келтириш учун
17 ёшли петербурглик Ксения Игнатева ғаройиб сурати билан синфдошларини ҳайратга солишга қарор қилди. У суратга тушиш жойи сифатида Россия шимолий пойтахтидаги энг машҳур жойлардан бири — Темирйўл кўпригини танлади. Ғоя бўйича, Ксения қуш парвози баландлигидан Петербург фонида суратга тушиши керак эди. Мактаб ўқувчиси тойиб кетди ва пастга қулай туриб, юқори вольтли кабелни ушлаб қолишга уринди ва шу заҳоти ҳалок бўлди.Кулгили чиқмади
Бир неча йил аввал Facebook фойдаланувчилари #selfieolympics флешмобини йўлга қўйди. Четдан қараганда бу марафонни эслатар эди, энг мантиққа тўғри келмайдиган селфини яратган одам унда ғолиб бўлар эди. 18 ёшли Оскар Рейя ўйинга берилиб кетди.Унинг биринчи марафон селфиси шунчалик кўп «лайк» тўпладики, йигит тўхтамасликка қарор қилди. Ўсмир кейинги куни янада провокацион сурат олишга уринди, бироқ уриниш ўлим билан якун топди: Оскар суратга тушиш чоғида осилиб туришга уринган эшикдан йиқилиб тушди, боши ёрилиб, қон йўқотишдан ҳалок бўлди.
Изоҳ (0)