Биткоин ҳақидаги энг оммабоп мифлар

Буюк Британия бош вазири Бенжамин Дизраэли таъкидлаганидек, ёлғон уч хил бўлади — шунчаки ёлғон, беор ёлғон ва статистика. Биткоин кўпинча уларнинг ҳар учаласи қурбонига айланади. Эксперт ва «Bitcoin.com» ресурси мақолалари муаллифи Кай Сэжвик криптовалюта ҳақида энг кўп тарқалган ёлғон фикрларга тўхталди, деб ёзади InsiderPro.

Биткоин террорчилар билан боғлиқ

Энг аҳмоқона даъводан бошласак. Терроризмни аслида ким молиялаштиришидан хабардормисиз? Террорчиларнинг ўзи ва уларга хайрихоҳ кишилар. АҚШ долларини ҳам худди шундай айблаш мумкин — террорчилик фаолияти, ҳарбий можаролар, портлатишлар, самолётларни олиб қочиш ва исёнларни молиялаштиришда у бошқа ҳар қандай валютадан кўпроқ қўлланади.

2016 йилда Европол террорчилар ўз фаолиятида криптовалюталардан фойдаланиши далилларини топмади. Бироқ бу ҳеч қачон юз бермаган ва юз бермайди деб бўлмайди.

Одатда рақамли валюталарни йўқ қилишдан манфаатдор ҳукуматлар вакиллари уларни терроризм билан боғлайди.

Санкциялар ва ноқонуний молиялаштириш маркази таҳлилий директори Яя Фануси шундай дейди: «Террорчилар виртуал валюталардан фойдаланади, бироқ бу жуда кам юз беради. Ҳозирги пайтда уларни харид қилиш ва сарфлаш, дейлик, карталар ва нақд пулларга қараганда анча мураккаб. Аксарият террорчилар харидларга классик валюта билан тўловлар амалга ошириладиган дунёда ҳаракат қилади. Виртуал пуллар уларнинг ҳаётини фақат қийинлаштиради».

Йўқ, биткоин пуфак эмас. У ҳеч қачон нолга тушиб қолмайди. Бу хавф аллақачон ортда қолган. Келажакда бизни коррекция кутаётганлиги табиий — тарихда ҳеч бир актив тўғри чизиқ бўйича ўсмаган, бироқ биткоин ёрилиб кетмайди. У тангаси 3 минг доллар эканлигида ҳам,  17 минг бўлганда ҳам пуфак бўлмаган.

Биткоин барқарор эмас

Биткоин ўзгарувчан эканлиги ва уни «қўлга ўргатиш» зарурлиги ҳақидаги тасаввур нотўғри. Криптовалюталар бўйича машҳур эксперт Крис Берниске биткоин ўзгарувчанлиги Twitter акциялариники қараганда пастроқ эканлигини кўрсатди. Албатта, баъзи кунларда унинг биржадаги айланмаси юқорига кўтарилиб ёки пастга тушиб кетади, бироқ умуман олганда криптовалюта анча барқарор.

Биткоин — навбатдаги лола васвасаси

Голландияда ХVII асрда авж олган лола васвасаси унинг маълум бир тури бир дона пиёзи нархи 4600 флоринга тенглашганда юқори нуқтасига етган эди. Ўша лаҳзадан бошлаб нархлар фақат пасайган.

Лолалар ички қийматга эга эмас ва бошқа шу каби буюмлар денгиз чиғаноғи ва чиройли тошчаларга ўхшайди. Биткоинни бўлиш ва бошқа жойга кўчириш осон, уларни йўқ қилиб бўлмайди. Бундан ташқари, биткоинлар лолаларга қараганда анча кам.

Биткоинни экстремистлар хуш кўради

Бу ғоя қанчалик кулгили эканлигини узоқ тушунтириб ўтирмаймиз. Криптовалюта радикал кайфиятдаги кишиларнинг кичик гуруҳи ҳаракатлари учун жавоб бермайди. Баъзан шунга ўхшаш нарса билан таққослаш кифоя. Автомобиллар ҳақида эшитганмисиз? Улардан банк ўғрилари фойдаланади дейишади. Келинг, уларни тақиқлаймиз!

Биткоин асосан ноқонуний мақсадларда қўлланади

Бу фикр 2013 йилда адолатли бўлиши мумкин эди, бироқ ҳозир тармоқдаги аксарият транзакциялар қонуний. Крис Берниске тадқиқот муаллифлари хулосасига таянади. Уларга кўра, криптовалюта казино ва қора бозордаги «йўлдан озиш» босқичидан ўтган ва ҳозирги пайтда қонуний бизнес томонидан фаол қўлланилмоқда. Бироқ бу ОАВнинг биткоинга ҳужумларини тўхтатмаяпти.

Биткоин — молиявий пирамида

Молиявий пирамиданинг ўзига хос хусусияти шундаки, биринчи инвесторлар кейингилари ҳисобидан даромад қилади, бу пирамида қулагунига қадар давом этади. Биткоин эса мутлақо шаффоф, унинг тарқалиши ва ўсишини ҳеч ким назорат қила олмайди. Криптовалюта қиймати фақат талаб ва таклифга қараб белгиланади. Биткоин — молиявий пирамида эмас.

Биткоинни синдириш мумкин

Криптовалюта биржалари ва булутли ҳамёнларни интернетга уланган исталган қурилма ёки дастур каби бузиш мумкин. Бироқ блокчейн асосини ташкил этувчи асос кодни бузиш имконсиз. Биткоин протоколи бошқа исталган дастурга қараганда кўпроқ синовларга дуч келган. Ўз тангаларингиз учун қайғураётган бўлсангиз, уларни интернетдан узилган ҳамёнга жойлаштиринг.

Биткоин — ғайриоддий нарса

Дастлаб интернет ва мобил телефонлар ҳам худди шундай аталган.

Биткоин улкан миқдорда электр сарфлайди

Бу миф бир неча марта фош қилинган. Тўғри, майнинг маълум миқдордаги электр энергиясини сарфлайди — бироқ ҳар бир сарфланган ватт шунга арзийди. Келинг, техник тафсилотларга берилмасдан, фактларга тўхталамиз: майнинг учун АҚШ янги йил маржонидан камроқ электр энергияси сарфланади.