Владимир Путин топшириғига биноан Россия мудофаа вазири Сергей Шойгу давлат раҳбарининг Суриядаги Хмеймим авиабазасига ташрифи давомида хавфсизликни таъминлаган барча ҳарбий хизматчиларга миннатдорлик билдирди. Бу ҳақда вазирлик ахборот ва оммавий комуникациялар департаменти маълум қилди, деб хабар беради «РИА Новости».
Қўйилган вазифаларни намунали бажаргани учун Россия президентининг авиабазадаги хавфсизлигини таъминлаган махсус операциялар кучлари, ҳарбий полиция зобит ва ҳарбий хизматчилари, президент бортини кузатиб борган қирувчи ва армия авиацияси учувчилари, шунингдек, ҳаво ҳужумидан ҳимоя бўлинмаси шахсий таркиби, радиоэлектрон кураш мутахассислари ва Ўрта Ер денгизидаги айрим кемалар экипажи рағбатлантирилди.
Кейинчалик, йиллик матбуот анжумани чоғида Путин ташриф тафсилотлари, хусусан, унинг хавфсизлиги қандай таъминлангани ҳақидаги таасуротлари билан ўртоқлашди. Унинг айтишича, парвознинг энг хавфли дақиқалари кўчма зенит-ракета комплекси нишонига айланиши мумкин бўлган самолёт кўтарилиши ва қўниши бўлди.
Изоҳ (0)