Президент Шавкат Мирзиёев Бухоро вилояти ҳокими биринчи ўринбосари Меҳриддин Абдуллаев Ўзбекистон Ҳисоб палатаси раиси ўринбосари этиб тайинланди. Бу ҳақда UzReport хабар бермоқда.
Меҳриддин Абдуллаев 2016 йил мартидан бери Бухоро вилояти ҳокимининг ҳуқуқни муҳофаза қилиш органлари фаолиятини мувофиқлаштириш, маъмурий, ўз-ўзини бошқариш органлари ва ёшлар масалалари бўйича биринчи ўринбосари лавозимида, ҳокимликларнинг бошқарув тузилмалари янгиланганидан сўнг — ҳокимнинг иқтисодиёт ва тадбиркорлик масалалари бўйича биринчи ўринбосари сифатида ишлаб келаётган эди.
Бухоро вилояти ҳокимининг биринчи ўринбосари этиб тайинлангунича қадар Меҳриддин Абдуллаев Ўзбекистон Молия вазирлиги ҳузуридаги Республика йўл жамғармаси раҳбари сифатида ишлаган. Бунгача 2012—2015 йилларда молия вазири ўринбосари бўлиб ишлаган.
Изоҳ (0)