Фавқулодда вазиятлар вазирлиги бошқа вазирлик ва идоралар билан ҳамкорликда «Қамчиқ» довонида туну кун фаолият кўрсатувчи постлар ташкил қилинган бўлиб, ушбу постларда қутқарувчилар, шифокорлар ҳамда ЙҲХБ ходимлари навбатчилик олиб бормоқда. Бу ҳақда ФВВ ахборот хизмати хабар бермоқда.
Мазкур чора-тадбирлар қишки мавсум кириб келиши ҳамда об-ҳавонинг ёмонлашуви оқибатида (туман, кучли шамол), автомобиль йўлида ҳайдовчиларнинг хавфсизлиги ва соғлиғига таъсир этиши мумкин бўлган авария ва бошқа нохуш ҳолатларнинг олдини олиш мақсадида амалга оширилмоқда.
Ушбу постлар қуйидаги вазифаларни бажаради:
- Автотранспорт воситалари ҳайдовчилари ва уларнинг йўловчиларини қабул қилиш ва уларнинг ҳаёт фаолияти учун зарур бўлган шароитни таъминлаш.
- Зарур бўлган маълумотларни тақдим этиш ва шифокор ёрдамини таъминлаш.
- Автотранспорт воситаларини кичик ҳажмдаги таъмирлаш ишларини амалга ошириш учун шароит яратиш ёки автоуловни яқин атрофдаги таъмирлаш устахоналарига етказиб қўйиш.
Изоҳ (0)