АҚШ Эронга қарши халқаро коалицияни ташкил этиш устида иш олиб боради. Бу ҳақда АҚШнинг БМТдаги доимий вакили Никки Хейли маълум қилди, дея хабар бермоқда «Корреспондент.net».
«Биз Эронга ва у қилаётган ишларга ростмана қарши туриш учун коалиция ташкил этамиз», — деди Хейли.
Унинг сўзларига кўра, Ямандан туриб отилган ва Саудия Арабистони ҳудудига қулаган ракета бўлаклари айнан Эронга тегишли бўлган.
Аввалроқ АҚШнинг БМТдаги доимий вакили ракета парвозларини амалга ошираётгани ва террорчиликни қўллаб-қувватлаётгани учун Эронни жавобгарликка тортиш лозимлиги ҳақида фикр билдирган эди.
Изоҳ (0)