Канаданинг Торонто шаҳрида яшовчи Хишам Салама Uber таксисининг онлайн-хизматидан фойдаланди ва саккиз километр масофа учун 18 500 Канада доллари (14 минг АҚШ доллари) тўлади. Бу ҳақда Forum Daily хабар бермоқда.
Америкалик Эмили Кеннард Twitter’да дўсти Uber таксисига Торонто ичидаги кичик масофага кўп пул тўлашга мажбур бўлгани ҳақида сўзлаб берди. Хишамнинг ўзи эса бўлиб ўтган ҳодиса ҳақида ўзининг Instagram’даги саҳифасида маълум қилди.
Шундан сўнг Uber ўз хатосини тан олди ва мижозга тўлиқ миқдорда компенсация тўлаб берди.
«Хатолик юз берди, бироқ у айни вақтда тўлиқ бартараф этилди. Биз мижознинг пулини тўлиқ қайтариб бердик ва ундан мазкур ҳолат учун узр сўрадик», — дейди Uber вакили.
Бундан ташқари компания вакили Uber келгусида бундай ҳолат такрорланмаслиги учун зарурий чора-тадбирлар амалга оширилганини ҳам таъкидлаб ўтди. Шунингдек, компанияда бу ҳолат нима сабабдан юз берганини аниқлаш учун ички текширув ўтказилмоқда.
Изоҳ (0)