Кўксарой қароргоҳида Қирғизистон президенти Сўранбай Жээнбековни расмий кутиб олиш маросими бўлди. Бу ҳақда ЎзА хабар бермоқда.
Шундан сўнг Ўзбекистон Президенти Шавкат Мирзиёев билан Қирғизистон президенти Сўранбай Жээнбековнинг тор доирадаги музокаралари бошланди.
Шавкат Мирзиёев Сўранбай Жээнбековни Қирғизистон президенти этиб сайлангани билан яна бир бор самимий қутлаб, бугунги музокаралар икки томонлама муносабатларни янги босқичга олиб чиқишига ишонч билдирди.
Қирғизистон Президенти сифатида илк хорижий ташрифларингиздан бирини Ўзбекистон заминидан бошлаганингизни юқори баҳолаймиз. Бу мамлакатларимиз ўртасидаги дўстлик, яхши қўшнилик ва стратегик шериклик муносабатларини янада чуқурлаштиришга садоқатингиз ифодаси деб қабул қиламиз.Сўранбай Жээнбеков Шавкат Мирзиёевга Ўзбекистонга таклиф этгани учун миннатдорлик билдириб, Қирғизистон халқи номидан чуқур ҳурмат ва эҳтиром изҳор этди.Шавкат Мирзиёев, Ўзбекистон Президенти
Ўзбекистон Президентининг матбуот маркази хабар қилишича, президентлар ушбу ташриф савдо-иқтисодий, транспорт-коммуникациялари ва маданий-гуманитар ҳамкорликни ривожлантириш, давлат чегараларини делимитация қилиш борасидаги ишларни якунига етказиш, янги ўтказиш пунктлари очиш ва уларнинг самарали фаолият юритишини таъминлаш, сув ресурсларидан оқилона фойдаланиш масалаларини муҳокама қилиш учун яхши имконият эканини таъкидлаган.
Эслатиб ўтамиз, Сўранбай Жээнбеков 2017 йил октябрь ойида бўлиб сайловда Қирғизистон президенти этиб сайланган эди. Ўзбекистонга ташриф Сўранбай Жээнбековнинг давлат раҳбари сифатидаги хорижга илк расмий ташрифидир.
Изоҳ (0)