Samsung Health дастури янгиланганидан сўнг, Galaxy S9 смартфонининг бармоқ изи сканерини қаерга жойлашиши маълум бўлди, деб хабар берди Hi-Tech.Mail.Ru.
Samsung Health дастурининг қўлланмасида кўрсатилишича, юрак ритми мониторидан тўғри фойдаланиш ҳақида маълумот берилган (қизил доирачага олинган). Суратда камералари ноодатий тарзда жойлашган қурилма тасвирланган — тахминларга кўра бу Galaxy S9. Унда вертикал жойлашган иккита камерани кўриш мумкин, горизонтал томонида эса бармоқ изи сканери.
Шунингдек, тармоқда Galaxy S9 ва S9+ 3 мегапикселли (ҳозирда 2 мегапикселл) янги кўз пардаси сканери билан жиҳозланиши ҳақида миш-мишлар тарқалган.
Яқиндагина Samsung иккита SIM-картали Galaxy S9’ни (SM-G9608) рўйхатдан ўтказиш борасида ариза топширгани маълум бўлганди. Qualcomm Snapdragon 845 операцион тизими ўрнатилиши кутилаётган Galaxy S9 смартфонида Dual VoVTE тизими қўлланилиши мумкин.