Фото: Ҳафта давомида тақдим этилган янги смартфонлар

«Лайфхакер» ҳафта давомида тақдим этилган Honor 7Х, Vernee Active ва Meiigoo S8 смартфонларига эътибор қаратди.

Honor 7Х

Huawei компанияси металл корпусли махсус бурчакларга эга ҳимояланган Honor 7Х смартфонини тақдим этди. Ҳимоя воситалари телефон тушиб кетган тақдирда қўшимча ҳимоя вазифасини бажаради. Телефон 5,93 дюймли экранга, 64 гигабайтли доимий хотирага эга. У 256 гигабайтли SD-картани қабул қила олади. Смартфоннинг асосий камераси 16 мегапикселли, олд камераси эса 8 мегапилселли.

Vernee Active

Янги тақдим этилган Vernee Active қум, чанг ва сувдан ҳимояланган. Смартфоннинг экрани 5,5 дюймли бўлиб, ҳимоя қатламига эга. Қурилманинг оператив хотираси олти гигабайт, доимий хотираси эса 128 гигабайтни ташкил қилади. Телефоннинг асосий камераси 13 мегапикселли, олд камераси эса 8 мегапикселли.

Meiigoo S8

Ёш компания ҳисобланган Meiigoo’нинг биринчи қурилмаси S8 номини олди. Смартфоннинг ташқи кўриниши Samsung S8 га ўхшаш бўлиб, экрани олти дюймли ва айлана бурчакларга эга. Оператив хотира тўрт гигабайтли бўлиб, асосий хотира 64 гигабайтни ташкил қилади. Иккита асосий камера мос равишда 13 ва 5 мегапикселли, олд камера эса 5 мегапикселли.