Қорақалпоғистоннинг Қонликўл тумани ҳокимлигида Шавкат Мирзиёевнинг жорий йил 15 ноябрь куни бўлиб ўтган видеоселектор мажлисида берилган топшириқларни амалга ошириш механизми ва ҳисоботлари бўйича мажлис бўлиб ўтди. Бу ҳақда «KRuz.uz» хабар бермоқда.
Мажлис давомида туман ички ишлар бўлими бошлиғи Қ.Қабулов 2017 йил бошидан содир этилган жиноятлар ўтган йилга таққослаганда камайишига эришилганига қарамай ўғрилик, пора бериш, давлат чегарасини ноқонуний бузиб ўтиш, номусга тегиш жиноятларининг ўсишига йўл қўйилганлиги ҳақида ҳисобот берди.
Шунингдек, жиноятларнинг 70—80 фоизи мастлик оқибатида содир этилаётганлиги туфайли ҳар куни ички ишлар бўлими ходимлари билан биргаликда «Тинчлик» гуруҳи томонидан тунги патруль отрядлари кучайтирилиб, фуқаролар кўп йиғиладиган умумий овқатланиш ва бошқа ўринларда кечки соат 22:00 дан кейин ишлашининг олдини олиш бўйича тегишли тадбирлар амалга оширилди.
Изоҳ (0)