Американинг Жексонвилл шаҳрида жойлашган ҳайвонот боғи ноёб турдаги ҳайвонларни сақлаб қолиш дастурида иштирок этади. Уларнинг орасида — йўқолиб кетиш арафасида турган Суматра йўлбарслари ҳам мавжуд. Йиртқичлар учун ҳайвонот боғидаги ҳаёт — ўз наслини давом эттириш имконияти, деб хабар берди National Geographic.
Флоридада жойлашган Jacksonville Zoo and Gardens боғи 1914 йилда очилган. Ҳозирда у АҚШдаги энг йирик табиатни муҳофаза қилувчи марказлардан бири бўлиб, у 95 турдаги ҳайвонларни сақлаб қолиш бўйича 50 та миллий ва халқаро дастурларда иштирок этади.
Улар орасида Суматра йўлбарслари ҳам мавжуд. Бу замонавий йўлбарс турларининг энг кичкинаси ҳисобланади: унинг максимал узунлиги 255 сантиметрни ташкил этади (таққослаш учун: ҳинд йўлбарсининг ўлчами 270 сантиметрдан 310 сантиметргача).
Иккита эркак йўлбарсчалар 20 ноябрь куни туғилган эди. Уларнинг ота-онаси Доркас ва Берани 2014 йилдан буён ҳайвонот боғида яшайди. 2015 йилнинг ноябрида улар Кинли Роуз лақабли урғочи йўлбарсни дунёга келтиришган эди.
Янги туғилган йўлбарсчаларга ҳозирча исм берилмади ва ҳайвонот боғининг ёпиқ павильонларида қолмоқда: уларнинг соғлиғи мутахассислар назорати остида.
Изоҳ (0)