Манхэттендаги Порт-Аторити автовокзалида портлаш юз берди. Бу ҳақда, Нью-Йорк полициясига асосланиб, BBC News хабар бермоқда.
Meduza’нинг ёзишича, портлаш оқибатида жабрланганлар ва ҳодиса сабаблари ҳақида ҳозирча аниқ маълумотлар йўқ.
Нью-Йорк полициясининг қайд этишича, портлаш ҳақидаги барча ахборотлар ҳозирча дастлабки ўрганиш жараёнида.
Ҳодиса жойидан олинган фото ва видеоёзувларда вокзал яқинида полиция кучлари ва ўт ўчириш машиналари турганини кўриш мумкин.
https://twitter.com/el_pais/status/940204058257735681
ABC Eyewitness News’нинг полициядаги манбага асосланиб хабар беришича, қувур бўлагидан тайёрланган қўлбола бомба портлаган.
Нашр маълумотларига кўра, ҳодиса оқибатида бир киши қўлга олинган, бир неча киши тан жароҳати олган. Бироқ бу ҳали расман тасдиқланмади.
NBC хабарига кўра, бу портлаш бахтсиз ҳодиса эдими ёки қасддан амалга оширилган қўпорувчилик — ҳали аниқ эмас.
Порт-Аторити автовокзали Манхэттенда, Таймс-сквердан унча узоқ бўлмаган ҳудудда жойлашган; бу АҚШдаги энг йирик автобус терминалидир.
Изоҳ (0)