Amerikaning Jeksonvill shahrida joylashgan hayvonot bog‘i noyob turdagi hayvonlarni saqlab qolish dasturida ishtirok etadi. Ularning orasida — yo‘qolib ketish arafasida turgan Sumatra yo‘lbarslari ham mavjud. Yirtqichlar uchun hayvonot bog‘idagi hayot — o‘z naslini davom ettirish imkoniyati, deb xabar berdi National Geographic.
Floridada joylashgan Jacksonville Zoo and Gardens bog‘i 1914-yilda ochilgan. Hozirda u AQShdagi eng yirik tabiatni muhofaza qiluvchi markazlardan biri bo‘lib, u 95 turdagi hayvonlarni saqlab qolish bo‘yicha 50 ta milliy va xalqaro dasturlarda ishtirok etadi.
Ular orasida Sumatra yo‘lbarslari ham mavjud. Bu zamonaviy yo‘lbars turlarining eng kichkinasi hisoblanadi: uning maksimal uzunligi 255 santimetrni tashkil etadi (taqqoslash uchun: hind yo‘lbarsining o‘lchami 270 santimetrdan 310 santimetrgacha).
Ikkita erkak yo‘lbarschalar 20-noyabr kuni tug‘ilgan edi. Ularning ota-onasi Dorkas va Berani 2014-yildan buyon hayvonot bog‘ida yashaydi. 2015-yilning noyabrida ular Kinli Rouz laqabli urg‘ochi yo‘lbarsni dunyoga keltirishgan edi.
Yangi tug‘ilgan yo‘lbarschalarga hozircha ism berilmadi va hayvonot bog‘ining yopiq pavilyonlarida qolmoqda: ularning sog‘lig‘i mutaxassislar nazorati ostida.
Izoh (0)