Англия Премьер-Лигасининг 16-турида мухлислар орзиқиб кутаётган беллашув бўлиб ўтади. Мавсум бошидан буён энг яхши бўлиб турган Манчестернинг икки клуби — «Юнайтед» ва «Сити» «Олд Траффорд»да тўқнаш келади.
Турни Лондон дербиси бошлаб беради. Дэвид Мойес бошчилик қилаётган «Вест Ҳэм» футболчилари Антонио Контенинг «Челси»си билан рақобат олиб боради. Шанба оқшомида, шунингдек, Чемпионлар Лигасидаги 32 жамоа орасида энг яхши натижа кўрсатган «Тоттенҳэм»нинг «Сток Сити»га қарши ўйини кутиб турибди.
Якшанба куни эса турнинг асосий ўйинлари бўлиб ўтади. Аввалига «Арсенал» жанубга тушиб, «Саутгемптон»ни синовдан ўтказади. Кейин эса Ливерпуль ва Манчестер дербилари катта саҳнага чиқади. Британия нашрларининг маълумот беришича, кучли қор сўнгги икки дербига ўз таъсирини ўтказиши мумкин.
Айни пайтда «Энфилд» ва «Олд Траффорд» эгалари стадион трибуналари музлаб қолишидан хавотирда. Об-ҳаво инжиқлигидан бироз тийилмаса, мазкур беллашувлар бошқа санага қолдирилиши ҳам мумкин.
UzReport ва Futbol-TV телеканаллари мазкур турдан жами 4 та беллашувни олиб кўрсатишни режалаштирган.
Англия Премьер-Лигаси 16-тур беллашувлари 9 декабрь, шанба
«Вест Ҳэм» — «Челси» 17:30 Futbol-TV«Хаддерсфилд» — «Брайтон» 20:00«Тоттенҳэм» — «Сток Сити» 20:00«Суонси» — «Вест Бромвич» 20:00«Кристал Пэлас» — «Борнмут» 20:00«Бёрнли» — «Уотфорд» 20:00«Ньюкасл» — «Лестер» 22:30
10 декабрь, якшанба«Саутгемптон» — «Арсенал» 17:00 UzReport «Ливерпуль» — «Эвертон» 19:15 Futbol-TV «Манчестер Юнайтед» — «Манчестер Сити» 21:30 Futbol-TV
Изоҳ (0)