Кениялик ўқитувчининг полиция ҳибсхонасидаги ўлимига қарши мамлакатда норозилик намойишлари бўлиб ўтган. Бу ҳақда CNN хабар берди.
Найробида шифокорлар бу икки шахснинг камерада бошидан олган жароҳати туфайли вафот этгани ҳақидаги полиция даъвосини рад этиши аҳолининг норозиликларига сабаб бўлгани айтилмоқда. Норозилик намойишлари дастлаб 2 июнь куни Кения Миллий полиция хизмати Алберт Ожванг ҳибсдалигида “бошини камера деворига уриб, бош жароҳатлари”дан вафот этганини айтганидан бир кун ўтиб бошланган.
Ожваннинг ўлими Кения ёшларини янада ғазаблантирган. Улар 2024 йили ўнлаб ҳукуматга қарши танқидчиларнинг гўйиб бўлишига қарши чиққан эди. 5 июнь куни намойишчиларга полиция қаршилик кўрсатган ва уларни тарқатиш учун кўздан ёш оқизувчи газлардан фойдаланган.
31 ёшли Ожванг ўқитувчи бўлиб, унинг охирги марта гаров эвазига озодликни талаб қилгани маълум. Маҳаллий нашрларга кўра, у интернетдаги кучли иштироки ва ижтимоий тармоқлардаги фаоллиги билан танилган. У 6 июнь куни ҳибсга олинган дейилади полиция баёнотида. 8 июнь куни у “одатий камера текшируви пайтида ҳушсиз ҳолда топилди” дейилган полиция баёнотида.
Ҳозирда 6 нафар полициячи тергов қилинмоқда. Кения полицияси раҳбари Дуглас Канжа ҳибсга олишни ҳолатини изоҳлар экан, аввалроқ унинг ўринбосари Элиуд Лагат Х ижтимоий тармоғидаги постида Ожванг Лагатни коррупцияда айблаганлиги ҳақида шикоят қилганини билдирган. Бўлиб ўтган намойишчилар Лагатни четлатишни талаб қилган.
Ҳукумат патологи Бернард Мидиа полициянинг Ожвангнинг ўлимига нима сабаб бўлгани ҳақидаги баёнотига қарши чиқиб, аутопсияда “бошга жиддий шикаст етказилгани”, шунингдек, “бўйин сиқилишининг излари” ва “кўп сонли жароҳатлар” топилганини маълум қилган.
“Ўлим сабаби жуда аниқ. Жароҳатлар зўравонликка ишора қилмоқда”, деди Мидиа.
Аутопсияда 5 нафар патолог иштироки этгани қўшимча қилинган. Кения президенти Уилям Руто Ожвангнинг ўлими ҳақидаги хабарни “бутунлай ҳайрат ва даҳшат билан” тинглаганини айтган.
“Полиция содир этган ушбу фожиали ҳодиса юракни эзадиган ва қабул қилиб бўлмайдиган ҳолдер. Тезкор ва шаффоф тергов ўтказилсин”, деган Руто.
Изоҳ (0)