Фаластин раҳбарияти Америка томонидан Қуддуснинг Исроил пойтахти деб тан олинишига қарши норозилик белгиси сифатида АҚШ вице-президенти Майкл Пенс билан учрашишдан бош тортмоқда. Бу ҳақда маҳаллий нашрлардан бири ҳукмрон ФАТХ ҳаракатининг юқори мансабли функсионери Жабрил Ражубага таяниб хабар берди, деб ёзади «РИА Новости».
Пенс декабрда Исроилга ташриф билан бормоқчи, бундай ташриф одатда Фаластин ҳудудларига кириб ўтишни ҳам ўз ичига олади.
«Биз босиб олинган Қуддуснинг Исроил пойтахти деб тан олинишига жавобан, Фаластин ҳудудида АҚШ вице-президентини қабул қилмаймиз», — деди Ражуб.
Фаластинликлар Дональд Трамп томонидан Қуддуснинг Исроил пойтахти деб тан олиниши ва у ерга Америка элчихонасининг кўчирилишига қарши бош кўтармоқда.
Эслатиб ўтамиз, аввалроқ Иордан дарёсининг ғарбий соҳилида фаластинлик ва исроиллик ҳарбий хизматчилар ўртасида тўқнашув содир бўлди. Бу АҚШ президенти Дональд Трамп томонидан Қуддус Исроилнинг расмий пойтахти сифатида расман тан олингач ҳамда Америка элчихонасининг Тель-Авивдан у ерга кўчирилганидан сўнг Фаластин ҳудудида содир бўлган биринчи тўқнашувдир. Кўпчилик Фаластин кўчаларига, биринчи навбатда, Рамалла шаҳри кўчаларига тўплана бошлади. Улар Америка байроқларини ёқиб юборди.
Изоҳ (0)