2018 йил 1 январдан бошлаб жисмоний шахслар томонидан эквиваленти 2 000 (икки минг) АҚШ долларига тенг ёки ундан ошмайдиган миқдордаги нақд хорижий валютани Ўзбекистонга олиб кириш ёки Ўзбекистондан олиб чиқиб кетишда мажбурий ёзма декларация тақдим этиш тартиби бекор қилинди. Бу ҳақда «Халқ сўзи Онлайн» хабар бермоқда.
Бу Ўзбекистон Президенти Шавкат Мирзиёевнинг «Жисмоний шахслар томонидан нақд хорижий валютани олиб кириш ва олиб чиқиб кетиш тартибини янада соддалаштириш чора-тадбирлари тўғрисида»ги фармонида кўзда тутилган. 6 декабрь куни имзоланган фармоннинг тўлиқ матни 7 декабрь куни ЎзА томонидан эълон қилинди.
Шунингдек, жисмоний шахслар томонидан нақд хорижий валютани Ўзбекистондан ташқарига олиб чиқиб кетиши эквивалентда 5 000 (беш минг) АҚШ долларига тенг ёки ундан ошмайдиган сумма доирасида ҳеч қандай рухсатномаларсиз амалга оширилиши белгилаб қўйилди.
Изоҳ (0)