7 декабрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев 2018 йил номини Олий Мажлисга тақдим этадиган Мурожаатномасида маълум қилади. Мурожаатнома «яқин кунларда» тақдим этилиши кутилмоқда.
2. Шавкат Мирзиёев: Ўзбекистон Конституцияси яратилиши жараёнида қатнашганимдан фахрланаман. Президент маърузасидан бошқа иқтибослар: «Отасининг қилмиши учун нега фарзандлари ёки ака учун ука жавоб бериши керак?»; «Тадбиркорнинг йўлига тўсиқ бўлиш — давлатга хиёнат!»; «Қийноқларга йўл қўймаслик учун ҳибсхоналар видеокузатув воситалари билан жиҳозланади»; Ўзбекистонда Халқ қабулхоналари негизида Тезкор давлат хизматлари агентлиги ташкил этилади; Ўзбекистонда мактаблар 10 йиллик бўлади.
3. Human Rights Watch Ўзбекистонда «аввал бўлмаган кўплаб ижобий ўзгаришлар»ни кўрди. Алоҳида прогрессни ташкилот долзарб мавзуларни кўтаришни бошлаган ОАВлар фаолиятида кўрмоқда.
4. 2018 йилнинг 1 январидан UzCard DUET карталари бўйича транзакцияларни тўхтатади. Бу турдаги карталар орқали 2017 йил учинчи чорагида амалга оширилган тўловлар ҳажми ўтган йилнинг шу даврига нисбатан 65 баробарга камайган.
5. Биткоин курси илк марта 15 минг доллардан ошди. 6 декабрь куни криптовалюта биржаларида биткоиннинг қиймати 13 минг доллардан ошган эди.
Изоҳ (0)