Иордан дарёсининг Ғарбий соҳили ва Ғазо секторида 7 декабрь, пайшанба куни Исроил ҳуқуқ-тартибот ходимлари билан юз берган тўқнашувлар оқибатида 50 дан зиёд фаластинлик тан жароҳати олди. Бу ҳақда «РИА Новости» хабар бермоқда.
Тўқнашувлар АҚШ президенти Дональд Трамп куни кеча Қуддусни Исроил пойтахти сифатида тан олгани ва мамлакат элчихонасини шу шаҳарга кўчириш ҳақида қарор қабул қилгани сабаб уюштирилган норозилик намойишлари оқибатида юз берди.
«Бугун Ғарбий соҳилдаги Қизил Ярим Ой гуруҳлари 49 нафар жабрланган шахсга ёрдам кўрсатди», — дейди ташкилот вакиллари.
Уларнинг сўзларига кўра, жабрланувчилар орасида резина ўқлардан яраланганлар ва кўздан ёш оқизувчи газдан заҳарланганлар бор.
Ғазо сектори соғлиқни сақлаш тизими вакилининг маълум қилишича, анклав чегаралари яқинида Исроил ҳарбийлари билан юз берган тўқнашувлар оқибатида уч киши жабрланган.
Изоҳ (0)