Хитойнинг Weibo ижтимоий тармоғи фойдаланувчилари Юйлинь округида очилган янги ҳайвонот боғини ёлғончиликда айблади: рекламада ёввойи табиат ва экзотик ҳайвонлар билан танишиш ваъда қилинган эди, бироқ вольер ортида фақатгина тошбақа, товуқ ва гўзлар бўлган. Пингвинлар бўлиши керак бўлган вольерда эса ташриф буюрувчилар ҳаво билан шиширилган жисмларни томоша қилишга мажбур бўлган, деб хабар беради TJournal.
Фойдаланувчиларнинг сўзларига кўра, улар пингвинларни ёдга солувчи олтита ўйинчоқдан бошқа ҳеч нимани кўрмаган. Ҳайвонот боғининг афишасида эса пингвинлар товус, тимсоҳ ва бошқа ноёб ҳайвонлар билан бирга тасвирланган. Фойдаланувчилардан бирининг таъкидлашича, у «пингвинлар»ни кўрганида «кулгидан ўзини тўхтата олмаган». Чипта нархи 15 юанни (2,3 долларни) ташкил этган.
Шунингдек, комплекс раҳбарлари ҳақиқий тошбақага нисбатан шафқатсиз муносабатда бўлганлиги учун танқид остига олинди: у аквариумга жойлаштирилган ва тошбақага «омад учун» пул ташлашга чақирилган.
Ўз исмини ошкор этилмаслигини сўраган ҳайвонот боғи эгасининг сўзлашича, у ўз муассасасидаги бу каби «ноёб ҳайвонлар»дан хабари бўлмаган. Унинг таъкидлашича, бунга пудратчи маъсул бўлган, пингвинлар ҳақида эса ўзи ҳам янгиликлар орқали хабар топган. Ҳозирда ҳайвонот боғи ёпилган.
Изоҳ (0)