Франциялик машҳур хонанда Жонни Холлидей 74 ёшида вафот этди. Бу ҳақда унинг турмуш ўртоғи Летиция маълум қилди, дея хабар берди «РИА Новости».
Хонанда бир йилга яқин саратон касаллиги билан курашди. ОАВ кимёвий терапия унинг саломатлигига салбий таъсир кўрсатгани ва ҳолати оғирлашганини билдирганди.
Жонни Холлидей (ҳақиқий исми-шарифи — Жан-Филипп Лео Смет) 1943 йил, 15 июнда Парижда дунёга келган. У 15 миллион мухлисни тўплаган 400 дан ортиқ концерт сафарларини ўтказди. 2005 йилга келиб 80 миллионга яқин диски сотилди, 18 та альбоми платинали мақомга эга бўлди.
У «Махлуқ», «Папарацци», «Французча талончилик», «Пушти пантера» каби кўплаб фильмларда суратга тушган ва мусиқа басталаганди.
1997 йилда Франция президенти Жак Ширак Холлидейга Фахрий легион орденини топширганди.
Изоҳ (0)