Германия аҳолисининг 60 фоизи АҚШ Бундесвер ҳарбий базаларига жойлаштирган атом бомбаларини олиб чиқиб кетиши тарафдори эканлиги аниқланди, деб хабар беради «ТАСС».
Сўровномада 18—28 ёшдаги икки минг нафар германияликлар иштирок этди.
Хабарда қайд этилишича, айни пайтда Германия ҳарбий-ҳаво кучларининг Бюхелдаги базасида АҚШга тегишли 20 та атом бомбаси мавжуд.
Сўровнома иштирокчиларининг 18 фоизи мазкур қуролнинг Германия ҳудудидан олиб чиқиб кетилиши ноўрин эканлигини маълум қилган. 32 фоиз сўровнома иштирокчилари эса яқин 10 йил ичида ядро қуроли қўлланилиши билан боғлиқ ҳарбий зиддиятлар авж олишини тахмин қилаётганини тан олган.
Сўровномада қатнашганларнинг ярмидан кўпроғининг (55 фоиз) фикрича, мамлакат ҳукумати ядро қуролини тақиқлаш ҳақида шартномани имзолаши керак. Ядро қуролининг олиб чиқиб кетилишига қарши овоз берганлар эса 23 фоизни ташкил этди.
Изоҳ (0)