Тошкентнинг «Бунёдкор» стадиони атрофидаги чорраҳаларда 4 декабрь, душанба куни тушдан сўнг катта тирбандликлар юзага келди. Бу ҳақда ижтимоий тармоқлардаги саҳифалардахабарлар қолдирилган.
Фото: Facebook / «Водители Ташкента»
Аксарият фойдаланувчилар ҳайдовчиларни «Бунёдкор» стадиони томонга юрмасликни ёки унинг атрофидаги чорраҳаларни айланиб ўтишни тавсия қилмоқда. Стадион томон олиб борадиган аксарият, хусусан, «Чилонзор» савдо марказидан ва «Чилонзор» буюм бозоридан олиб келувчи йўлларда тирбандликлар юзага келган.
Бунёдкор шоҳ кўчасининг Чўпонота кўчаси билан кесишмасидаги тирбандликларга чорраҳада йўл ўтказгич қуриш бўйича ишлар бошлангани ҳам сабаб бўлаётгани таъкидланган. Бундан ташқари, тирбандликлар сабаби сифатида 4 декабрь куни «Бунёдкор» стадионида футбол бўйича Ўзбекистон Кубоги финал учрашуви бўлиб ўтиши ҳам кўрсатилмоқда.
Изоҳ (0)