Россиялик миллиардер Алишер Усмонов Reuters’га берган интервьюсида Ўзбекистон ҳукумати билан ҳамкорлиги ҳақида гапириб берди, деб ёзади «Ведомости». «Менинг ролим — бу маслаҳат, консалтинг ва хайрия лойиҳалари», — деди бизнесмен.
Усмонов таъкидлашича, у Ўзбекистон ҳукумати билан Бухоро, Самарқанд ва Тошкентдаги тарихий ёдгорликларни реставрация қилиш бўйича лойиҳалар устида ишлашни аллақачон бошлаб юборган. Бундан ташқари, USM холдинги (Усмоновга 49 фоизи тегишли) Ўзбекистондаги металлургия корхоналари билан ҳамкорлик қилади, деди бизнесмен. Аммо у тафсилотларга тўхталмади.
Сентябрь ойида Ўзбекистон Президенти Шавкат Мирзиёев Нью-Йоркдаги БМТ Бош ассамблеясига бориш учун Усмоновнинг шахсий самолётидан фойдаланган эди. Усмонов Reuters билан суҳбатда қайд этишича, у самолётни бепул тақдим этишга тайёр бўлган, аммо Ўзбекистон пул тўлашда қатъий туриб олган.
Бизнесмен, шунингдек, Ўзбекистонга «имкони борича» сармоя киритишга тайёр эканлигини айтди. Унинг сўзларига кўра, қулай инвестиция муҳити бўлган ва уларнинг капитали ҳимояланиши кафолатланган тақдирда, кўплаб мамлакатлар Ўзбекистонга сармоя киритишга тайёр бўлган бўларди.
Изоҳ (0)