Хавфсизлик чоралари кўрилмагани оқибатида Хоразм вилояти Хонқа туманида инсон ўлими билан боғлиқ йўл-транспорт ҳодисаси юз берди. Бу ҳақда вилоят ИИБ матбуот хизмати хабар бермоқда.
Хонқа туманининг Сарапаён қишлоғида 27 ноябрь куни тунги пайтда 1956 йилда туғилган I.Ў. ўзига тегишли Captiva’ни орқага ҳаракатлантираётиб, хавфсизлик чораларини кўрмагани оқибатида машинанинг орқасида турган ҳамқишлоғи — 1989 йилда туғилган Б.Бекзодни уриб юборган.
Хабар беришларича, Бекзод олган тан жароҳатидан шифохонада вафот этган.
Хоразм вилояти ИИБ матбуот хизмати ахборотига кўра, ҳозирда мазкур ҳолат юзасидан дастлабки текширув ва суриштирув ишлари олиб борилмоқда.
Изоҳ (0)