Швециянинг Saab авиасозлик компанияси 9g юкламали JAS 39C Gripen қирувчисининг парвози акс этган видеони тақдим этди. Видео кабинадаги учувчининг шлемига маҳкамланган камера ёрдамида олинган. Бу ҳақда The Aviationist хабар берди.
Самолётни Saab компаниясининг синовчи учувчиси Андре Браннстрем бошқарган. У учиш ва қўнишни, шунингдек, юқори маҳорат талаб қилинадиган бир қатор ҳаракатларни намойиш этган.
JAS 39C Gripen кўп нишонли тўртинчи авлод қирувчиси ҳисобланади. Бу турдаги самолёт Швеция ҳарбий-ҳаво кучлари таркибида 1997 йилдан буён мавжуд. Шунингдек, у Бразилия, Чехия, Венгрия, ЖАР ва Таиланд қуролли кучларида ҳам ишлатилади.
Изоҳ (0)