Falcon Heavy оғир ракетасининг биринчи парвози январь ойида бўлиб ўтади. Бу ҳақда SpaceX хусусий компаниясининг раҳбари Илон Маск ўзининг Twitter’даги саҳифасида маълум қилди, деб хабар беради «РИА Новости».
Аввалига янги ракетани 2013 йилнинг охири — 2014 йилнинг бошида Канавералдаги космодромдан учириш режалаштирилган эди, бироқ белгиланган муддат ортга сурилган. Жорий йилнинг март ойида учирилиши керак бўлган Falcon 9 нинг парвози 2016 йилнинг сентябрида стартолди синови вақтида содир болган портлаш сабабли кечиктирилган эди.
Илон Маскнинг маълум қилишича, ракета келгуси ойда учирилади. Ракета ичида ўзининг олча рангли Tesla Roadster спорт электромобили бўлади ва унда Дэвид Боуининг Space Oddity қўшиғи янграйди. «Манзил — Марс орбитаси. У коинотда миллиард ёки шунга ўхшаш узоқ йиллар давомида қолади, агарда парвоз вақтида портлаб кетмаса», — деб ёзади Маск.
Жорий йилнинг ёзида Маск Falcon Heavy ракетасининг биринчи парвози омадсиз якунланиши мумкинлигини тан олган эди. Унинг ғалабаси худди «покердаги каби», — деган эди Маск.
Маскнинг айтишича, Falcon Heavy’нинг учиши учун унинг барча — 27 та двигатели бир вақтда ишга тушиши керак, бу Falcon 9 ракетасиникидан уч баробар кўп демакдир.
Изоҳ (0)