Япония Deep Space Gateway халқаро дастуридаги иштироки доирасида 2020 йилларга келиб астронавтларини Ой юзасига юбориш ниятида. Бу ҳақда «Иомиури» нашрига мамлакат ҳукуматидаги манбалар маълум қилди, дея хабар беради «ТАСС».
Халқаро лойиҳада қатнашган тақдирда Япония Ой юзасига қўндириш учун кемалар яратиш, шунингдек, япон мутахассисларининг сув ва ҳавони тозалаш соҳасидаги ишланмалари, транспорт космик кемаларини туташтириш бўйича технологик ечимларини таклиф этиши мумкин эди.
Шу тариқа, Япония ҳукумати нафақат Ой юзасига бошқариладиган миссияларда иштирок этиш, балки мамлакатнинг коинот соҳасида халқаро саҳнада рақобатбардошлилигини оширишни мўлжалламоқда.
Маълумот учун, NASA ва унинг етакчи коинот агентликларидаги шериклари 2020 йиллар бошида Ой орбитасида Deep Space Gateway модули қурилишини бошлашни режалаштирмоқда.
Изоҳ (0)