Twitter тармоғида қулаётган «Метеор-М» йўлдоши акс этган видео пайдо бўлди, деб ёзмоқда «РИА Новости»
https://twitter.com/twitter/statuses/935569848507170817
«Дўстларимдан бири Монреалдан қайтаётганида менга бу видеони жўнатди. Россия йўлдоши орбитага чиқиш учун қилинган омадсиз уринишдан сўнг йўқотилган. Бу Ер атмосферасига кираётганда ёнган ўша йўлдош бўлиши мумкин», — дейилади хабарда.
Видеода кўринадики, кўп сонли жисмлар атмосферада ёниб кетмоқда. Бунинг айнан Россия аппарати эканлиги ҳақидаги расмий тасдиқлар йўқ.
Аввалроқ Шимолий Атлантиканинг Исландия ҳудуди устидан учиб ўтаётган самолёт учувчиси минглаб ёнаётган бўлакларга бўлинаётган ёрқин оловли шарни кўрганини айтган. Шунингдек, у видеодагига ўхшаш оловли йўл акс этган суратларни ҳам тақдим этган.
Россия космонавтика академияси академиги Александр Железняковнинг фикрича, учувчининг хабари «Фрегат» тезлашувчи блоки 19 та йўлдош билан океанга қулаганини тасдиқлайди.
Изоҳ (0)