Марсда яшаш учун мўлжалланган уй-жойлар лойиҳасини тайёрлаган Массачусетс технология институтининг (АҚШ) бир гуруҳ муҳандис ва меъморлари Маrs City Design танлови ғолиби бўлди. Танловга NASA ва ESA (Европа коинот агентлиги) ҳомийлик қилди, дея хабар беради «ТАСС».
Гумбаз шаклида ишланган Марсдаги уйлар лойиҳаси Rеdwооd Forest номини олди. Ҳар бир гумбаз қолганлари билан дарахтларнинг илдизига ўхшаш туннеллар тизими билан боғланади.
Қизил сайёра юзаси остидан ўтиши режалаштирилган туннеллар иш ва дам олиш учун мўлжжаланган бинолар, шунингдек, транспорт воситаларига олиб бориши кўзда тутилган. Улар одамларни радиация, кичик меторитлар зарбаси ва ҳароратнинг кескин кўтарилиб-тушиши оқибатларидан ишончли ҳимоя қиладиган даражада лойиҳалаштирилган.
Ҳар бир уй кўпи билан 50 кишига мўлжалланган. Лойиҳа муаллифлари келгусида 10 минг кишини жойлаштириш учун 200 та шундай гумбаз барпо этишни таклиф қилмоқда.
Изоҳ (0)