Олимлар Қуёш тизимига учиб кирган Оумуамуа астероидига етиб олиб, уни ўрганишни таклиф қилди. Ҳисоб-китоблар астероиднинг гиперболик тезлиги сониясига 26 километр эканлигини кўрсатмоқда. Бу тезлик инсоният томонидан ясалган космик аппаратларнинг тезлигидан анчагина юқори ҳисобланади, деб ёзмоқда «Газета.ru».
Астероиднинг тезлиги ҳисобга олинадиган бўлса, у 2018 йилнинг май ойида Қуёшдан Юпитергача бўлган масофада узоқлашади. «Маълумотлар олиш билан боғлиқ илмий қизиқиш билан бирга, астероидга етиб олишга уриниш космос тадқиқотларининг жорий технологик чегараларини кенгайтиришга имкон беради», — деб ҳисоблайди тадқиқот муаллифлари.
Мураккабликни ҳисобга олган ҳолда, Оумуамуа астероидига эҳтимолий миссия учта мослик ҳисобига амалга оширилиши мумкин. Булар — парвоз вақти ва аппарат тезлигининг мослиги, парвоз вақти ва аппаратнинг учиш санаси. Бунда астероидга етиб олиш мақсадида аппарат учун юқори тезликнинг танланиши бошқа бир мураккабликни келтириб чиқаради: астероидга етиб олган зондда тезликдаги катта фарқ сабабли уни ўрганиш учун вақт кам бўлади.
Аппаратнинг учирилиш эҳтимоли 2023—2027-йииларда ҳақиқатга яқин бўлиши мумкин. Бунда аппаратнинг сониясига 33 дан 76 километгача бўлган тезлигида миссия беш йилдан 30 йилгача вақт олади. Тадқиқот муаллифлари жумбоқли астероидни ўрганиш миссиясини амалга оширишда янги технологиялар ёрдам беришига ишонмоқда.
Изоҳ (0)