Хорватия бош вазири Андрей Пленкович генерал Слободан Пральякнинг ўлимидан афсусда эканлигини билдирди. Бу ҳақда «Ведомости» хабар бермоқда.
«Унинг ўлими босниялик олти хорват ва хорват халқига нисбатан адолатсизликдан далолат беради. Биз ҳукм юзасидан норозилик ва афсус билдирамиз», — деди Пленкович.
Гаага трибунали 29 ноябрь, чоршанба куни хорватиялик генерал Пральякнинг 2013 йилда чиқарилган ҳукмга шикоятини кўриб чиқди ва ўзгаришсиз қолдирди. У босниялик мусулмонларга қарши ҳарбий жиноятлари учун 20 йил қамоқ жазосига ҳукм қилинганди.
Судда буни эълон қилиш чоғида Пральяк заҳар ичишга улгурди ва кейинчалик Гаага касалхонасида оламдан ўтди.
Изоҳ (0)