Наманган шаҳрида яшовчи С.Аҳмаджон ички ишлар идораларига ариза билан мурожаат қилди. Бу ҳақда «Дарё»га Наманган вилоят ИИБ матбуот хизмати маълум қилди.
Аризачига кўра, 2016 йил 16 август куни Наманган шаҳрида яшовчи Н.Қодир ва Р.Ғулом унинг 50 миллион сўмини фирибгарлик йўли билан олиб кетиб, ўзлаштириб юборган.
Ушбу ҳолат бўйича Наманган шаҳар ИИБ тергов бўлими томонидан ЖКнинг 168-моддаси 2-қисми билан жиноят иши қўзғатилиб, Н.Қодир ва Р.Ғулом тилхат орқали очиқда қолдирилди.
Шунингдек, Наманган шаҳрида яшовчи М.Комилжон таниши, Норин туманида яшовчи В.Насим ундан 2017 йил май ойида ижарага олган Damas автомашинасини бошқа шахсга сотиб юборганлигини маълум қилиб, чора кўришни сўради.
Мазкур ҳолат бўйича Наманган шаҳар ИИБ тергов бўлими томонидан ЖКнинг 168-моддаси 1-қисми билан жиноят иши қўзғатилиб, гумонланувчи тилхат билан очиқда қолдирилди.
Изоҳ (0)