Самарқанд шаҳридаги санъат коллежининг концертлар залида «Марказий ҳарбий округ қўшинлари олдига қўйилган мақсад ва вазифаларни бажаришда сержантлар таркибининг тутган ўрни ва роли» мавзусида сержантлар форуми ўтказилди. Бу ҳақда Мудофаа вазирлиги матбуот хизмати хабар бермоқда.
Тадбирда Самарқанд вилояти ҳокими Туробжон Жўраев, марказий ҳарбий округ қўшинлари қўмондони полковник Ойбек Саидов, сенатор, Ўзбекистон халқ шоири, мудофаа вазирлиги ҳузуридаги жамоатчилик кенгаши раиси Иқбол Мирзо ва кенгаш аъзоси, таниқли кинорежиссёр Ҳилол Насимов, Ўзбекистон Ёшлар иттифоқи Самарқанд вилояти кенгаши раиси Рустам Қобилов ва бошқалар иштирок этди.
Форум доирасида ҳарбий хизматчиларга мудофаага кўмаклашувчи «Ватанпарвар» ташкилотининг Самарқанд вилоят кенгаши томонидан турли-туман техника макетлари ҳамда Самарқанд вилоят ҳунармандлар уюшмасининг наққошлик ва миниатюра санъати намуналари намойиш этилди.
Изоҳ (0)