Ёзувчи, санъат ҳомийси ва мотивация берувчи нотиқ Ник Вуйчич Synergy Global Forum бизнес-форумида ўзини бахтли ҳис қилишнинг уч йўли ҳақида ҳикоя қилиб берди, деб ёзмоқда «РИА Новости».
Унинг ҳикоя қилишича, тушкунликка тушган ёки ўзини бахтли ҳис қилиш учун овқат еяётган ҳар қандай киши ўтириб олиши ва ўзи миннатдор бўлган 5—10 та нарса ҳақида ёзиши керак.
Ник Вуйчич иккинчи йўл сифатида ҳар қандай киши тушкун ёки оғир ҳолатда бўлганида, буни бир ўзи бошдан ўтказмаслиги ҳақида гапирган. Бунда ким биландир гаплашиши ва ёрдам сўрашдан қўрқмаслиги керак.
У учинчи йўлини ёрдамга муҳтожларга ёрдам бериш, деб атаган. Оғир аҳволда бўлган бирор кишини табассум қилишга ундаш, муаммоларини унутишга ёрдам бериш ўз ҳаётидаги мақсадни аъло даражада кўришга ёрдам беради. Бу эса бахтли бўлишга имкон беради.
Synergy Global Forum бизнес-форуми Москвада 27—28 ноябрь кунлари бўлиб ўтади. Тадбирнинг дунёдаги энг йирик бизнес-форум бўлиши кутилмоқда. Унда 19,5 минг киши иштирок этади.
Ник Вуйчич тетраамелия синдроми билан туғилган бўлиб, унинг қўл ва оёқлари йўқ. Бироқ бу унга юришни ўрганишга, спорт билан шуғулланишга ва дунёда машҳурликка эришишга халақит бермаган.
Изоҳ (0)