Google компанияси «Россия тарғиботи»дан иборат янгиликларни фильтрлаш алгоритмини яратиш устида ишламоқда, деб ёзади «Ведомости» Alphabet холдинги ижрочи директори Эрик Шмидтга таяниб.
Унинг аниқлик киритишича, компаниядагилар биринчи ўринда «RT ва Sputnik»ни тарғибот манбалари деб ҳисоблайди. «Биз яхши биламиз, ва бунинг олдини олиш учун тизимларни ишлаб чиқишга ҳаракат қиляпмиз», — деди Шмидт.
Янги алгоритм компания нуқтаи назаридан шубҳали бўлган янгиликларни Google News натижаларида пастга тушириш имконини беради. Гап сайтларни тўлиқ блоклаш ҳақида бормаяпти. «Биз сайтларни тақиқлашни истамаймиз. Бу бизнинг услубимиз эмас. Мен цензурага бутунлай қаршиман. Мен тартиб билан жойлаштиришни жуда қаттиқ қўллаб-қувватлайман. Бу айнан биз қилаётган нарса», — деди Шмидт.
Изоҳ (0)