Alibaba Group холдинги Sun Art компанияси акциялари пакетини сотиб олиш бўйича келишувга эришди, деб ёзади «РБК». Sun Art Хитойда 400 та «Ашан» гипермаркети ва RT-Mart супермаркетларини бошқаради.
Келишувга мувофиқ, онлайн-компания 36 фоиз акциялар (қиймати 2,9 миллиард долларга тенг)ни қўлга киритади ва Auchan Retail SA билан Хитой маҳсулот ретейли бозорини янада кўпроқ эгаллаш мақсадида альянс тузади. Учинчи шерик Гонконгнинг Ruentix компанияси бўлади, у Хитойда илгари Auchan билан ишлаган.
Битимга кўра, Alibaba шерикларига ретейлерга янги бозорларни забт этиш ва Американинг Хитойда фаол иш олиб борувчи Wal Mart компанияси билан курашишда ёрдам берувчи технология ва манбаларни тақдим этади.
Изоҳ (0)