Ўтган йили тез тиббий ёрдам бригадалари 155 тани ташкил этганди, бугунга келиб уларнинг сони 178 тага етди. Ҳудудлардаги тез тиббий ёрдам шохобчалари сони эса 80 тадан 102 тага кўпайди. Шу билан бирга, тез ёрдам хизмати ихтисослаштирилган автомашиналар паркини янгилаш борасидаги ишлар жадаллашмоқда: жорий йил давомида 79 янги автотранспорт воситаси олинди.
Японияда ишлаб чиқарилган «Nissan» реанимобилларидан 8 тасининг ишга солиниши хизмат фаолиятини янги босқичга кўтариш имконини яратганди. «Саломатлик-3» лойиҳаси асосида Жанубий Кореядан олиб келинган Hyundai русумли реанимобиллар эса бу борадаги саъй-ҳаракатларни янада такомиллаштиради.
Ҳар бирининг нархи 227 миллион сўм бўлган реанимобиллар энг замонавий асбоб-ускуналар билан жиҳозланган. Уларга ўрнатилган тиббий жиҳоз ва аппаратлар реанимацон ва махсус тиббий ёрдам кўрсатиш учун мўлжалланган. Хусусан, тез тиббий ёрдам бригадаси қон тўхтатиш, сунъий нафас олдириш ва бошқа кичик амалиётларни йўлда, шифохонага етгунгача амалга ошириши мумкин.
Изоҳ (0)