Тинч океанида АҚШ ҳарбий-денгиз кучларининг Grumman C-2 Greyhound транспорт самолёти қулади. У «Роналд Рейган» авиаташувчи кемаси томон учаётган вақтида сувга қулаган, дея хабар бермоқда Meduza.
Ҳодиса Япониянинг Окинотори атолли (Филиппин денгизи)дан тахминан 150 километр масофада юз берган. Авария сабаблари ҳозирча номаълум.
Самолёт бортида 11 йўловчи ва экипаж аъзолари бўлган. АҚШ ҳарбий-денгиз кучлари ахборотига кўра, саккиз киши тирик ҳолда топилган, қолганларни излаш ишлари давом этмоқда.
Изоҳ (0)