Исроил бош вазири Биньямин Нетаньяху Россия президенти Владимир Путин билан телефон орқали мулоқотда бўлди. Бу ҳақда Исроил ҳукумати раҳбари девонхонаси раҳбари Анна Йонатан-Леус маълум қилди, дея хабар беради «ТАСС».
«Суҳбат ярим соат атрофида давом этди. Унда Сурия мавзуси, шунингдек, Эроннинг мазкур мамлакат ҳудудида ўрнашиб олишга уриниши муҳокама қилинди. Бош вазир Исроил хавфсизлигига тегишли нуқтаи назарини айтиб ўтди ва Эрон кучлари Сурияда ўрнашиб қолишини қабул қилмаслигини баён этди», — деди Анна Йонатан-Леус.
Кремль матбуот хизмати Исроил томони ташаббуси билан бўлиб ўтган мулоқотда Яқин Шарқ минтақасидаги вазиятнинг ривожланиш истиқболлари, хусусан, Сурияда якунига етаётган халқаро террорчиликка қарши кураш масалалари муҳокама этилганини билдирди.
Изоҳ (0)