Telegram мессенжери «Всякая годная попса» номли канални пиратлик контенти учун блоклади. Бу ҳақда «РБК» хабар бермоқда.
Канал асосчиси Антон Вагин Telegram’дан хабар олганини, унда канал Apple ва Google илтимосига кўра Universal Music компанияси шикояти асосида блоклангани айтилганини гапириб берди. Унинг таъкидлашича, блоклашдан олдин ҳеч қандай огоҳлантириш йўлланмаган.
Вагиннинг фикрича, у Тейлор Свифтнинг Reputation альбомини жойлаштиргани каналнинг блокланишига сабаб бўлган. Релизни чиқарган Big Machine Records лейбли Universal Music компаниясига тегишли.
«Роскомнадзор»нинг Facebook’даги саҳифасида мессенжер биринчи марта ноқонуний мусиқа тарқатган канални блоклагани маълум қилинди.