Ўзбекистон Олий Лигасининг 29-туридан жой олган «Насаф» — «Пахтакор» ўйини ПФЛ тартиб-интизом қўмитаси томонидан ўрганиб чиқилди. Ташкилот матбуот хизматининг хабар беришича, қўмита асосий эътиборини ўйиндан кейинги ҳолатга қаратган.
«Пахтакор» дарвозабони Александр Лобанов ўйин якунига етгач, «Насаф» мухлислари томонидан ҳақорат қилинди. Бунга жавобан дарвозабон ҳам уларни ҳақорат қилиб ўтди.
Ўйиннинг эртасига «Пахтакор» раҳбарияти йиғилиш ўтказиб, дарвозабон Александр Лобановни танқид остига олди ҳамда уни жаримага солди. Шунингдек, «Пахтакор» бу каби ишларга қарши экани маълум қилинди.
Футбол мухлисларини ҳақорат қилган Александр Лобановни «Пахтакор» жаримага тортди. Дарвозабон узр сўради
Ўз навбатида ПФЛ ҳам Лобановнинг ҳатти-ҳаракатини ўрганиб чиқиб, «Пахтакор»ни 50 миллион сўм жаримага тортди.Шунингдек, ПФЛ «Насаф» фанатларини мухлислик маданиятига зид ҳаракат қилди деб ҳисоблаб, Қарши клубини 100 миллион сўм жаримага тортди. Агар «Насаф» мухлислари бу каби ҳаракатни такрорласа, жамоа кейинги уй учрашувларини мухлисларсиз стадионда ўтказиши борасида огоҳлантирилди.
Изоҳ (0)