Ливан собиқ бош вазири Саъд Ҳаририй истеъфоси ҳақида эълон қилганидан сўнг бир неча ҳафта ўтиб илк бор мамлакат пойтахти Байрутга келди. Бу ҳақда «Газета.ru» хабар бермоқда.
Олдинроқ Ҳаририй Ливанга мамлакат мустақиллиги куни — 22 ноябрда қайтишга қарор қилгани билдирилганди.
Сиёсатчи бунгача 21 ноябрь, сешанба куни Миср ва Кипрда бўлиб, ушбу давлатлар раҳбарлари билан минтақадаги вазиятни муҳокама этишга улгурди.
Саъд Ҳаририй ўз истеъфоси ҳақида 4 ноябрь куни, Саудия Арабистонига ташрифи давомида эълон қилганди. Кейинчалик Ар-Риёд уни зўрлик билан мамлакатда тутиб тургани ҳақида хабарлар тарқалди, бироқ собиқ бош вазирнинг ўзи уларни рад этди.
Изоҳ (0)