Зимбабве ҳарбий қўмондонлиги ва ҳукмрон партия фаоллари Роберт Мугабе оиласи мол-мулки ва активларини мусодара этиш имкониятини кўриб чиқмоқда. Бу ҳақда «ТАСС» хабар берди.
Британиянинг The Times нашрига кўра, Мугабенинг қариндошлари оқ танли фермерлардан тортиб олинган ва жуда катта майдонлардан иборат ерларга эгалик қилади. Президентнинг турмуш ўртоғи Грейс бу ерларнинг катта қисмига Зимбабве банкларидан олинган кредитлар ёрдамида маблағ ётқизган.
Мугабега тегишли бошқа активлар қаторида болалар уйи ва икки хусусий мактаб ҳам бор. Ҳукмрон партиянинг юқори мартабали арбоблари Мугабе оиласига садоқатини билдириш учун у ерга ўз болаларини юборарди.
Президентнинг оиласи Хараре шимоли — Борроудейлда бир неча кошонага эга. Улар 25 та ётоқхона, вертолёт майдони, боғ ва икки кўлни ўз ичига олади. Шунингдек, ярим йил аввал Грейс Мугабе 3,17 миллион доллар эвазига Йоханнесбург яқинида, Сэндтонда ҳам ҳашаматли уй сотиб олганди.
Изоҳ (0)